Datblygwyd Dewis Gwyllt er mwyn archwilio’r potensial i greu incwm o gynhyrchion coetiroedd gwyllt di-bren er mwyn cefnogi grwpiau coetir cymunedol yng Nghymru. Mae ein tîm yn gweithio ar lawr gwlad gyda grwpiau ac yn cynnal gwaith ymchwil gwyddonol er mwyn cwmpasu cyfleoedd cynaeafu cynaliadwy. Ond mae’n bwysig nodi nad menter fforio mohonom.

Rydym wedi bod yn ymchwilio i sudd bedw, garlleg gwyllt, blodau ysgaw, hadau coed a phlanhigion persawrus ar gyfer cynhyrchu olewau naws: ble y gellir dod o hyd i’r cynhyrchion hyn a sut y gellir eu cynaeafu’n gynaliadwy ar sail fasnachol?

Hawdd iawn yw dweud y dylid cynaeafu mewn modd cynaliadwy. Ond nid gwaith syml o gwbl yw amgyffred beth y mae hyn yn ei olygu’n ymarferol ar gyfer rhywogaeth a choetir arbennig, a rhaid deall y rhywogaeth, y coetir a’i le yn y dirwedd ffisegol, gymdeithasol a diwylliannol ehangach.