Prosiect partneriaeth oedd Dewis Gwyllt rhwng Llais y Goedwig, y rhwydwaith coetiroedd cymunedol ar gyfer Cymru, a Wild Resources Ltd, sef grŵp cynghori ar goedwigaeth sy’n defnyddio ymchwil gymhwysol a gwasanaethau technegol er mwyn helpu i ddefnyddio cynhyrchion coedwigoedd mewn modd cynaliadwy. Dewch i GYFARFOD Â’R TÎM

Caiff y prosiect ei ariannu gan Gronfa Amaethyddol Ewrop ar gyfer Datblygu Gwledig (EAFRD) a Llywodraeth Cymru trwy gyfrwng Cynllun Datblygu Cadwyni Cyflenwi a Chydweithio y Rhaglen Datblygu Gwledig rhwng Ionawr 2019 ac Medi 2022. Mae Grŵp Llywio Dewis Gwyllt yn cynnwys y Cyngor Stiwardiaeth Coedwigoedd® (FSC®) UK, Cywain, Cyswllt Ffermio  a Chyfarwyddwyr Llais y Goedwig.

Roedd Dewis Gwyllt yn archwilio cyfleoedd i gynhyrchu incwm yn sgil cynhyrchion coetiroedd gwyllt er mwyn cynorthwyo grwpiau coetir cymunedol yng Nghymru. Beth am ddysgu rhagor ynglŷn â’r HYN A WNAWN

Mae ein gwaith yn deillio o’n cyfraniad at brosiect StarTree (2012-16). Prosiect ymchwil EU FP7+ ledled Ewrop oedd StarTree. Roedd yn ymchwilio i’r posibilrwydd y gallai Cynhyrchion Coedwigoedd Di-bren (NWFP) gyfrannu at ddatblygu gwledig mewn 14 rhanbarth yn Ewrop. Yng Nghymru, fe wnaethom ganfod fod yna fentrau sy’n gwerthu cynhyrchion y defnyddir cynhwysion gwyllt ynddynt, ond ychydig iawn o gadwyni cyflenwi neu rwydweithiau cydnabyddedig sy’n bodoli i gysylltu perchnogion a rheolwyr coetiroedd a allai fod ag adnoddau y gellir eu cynhaeafu, gyda chynhyrchwyr a allai ddefnyddio’r adnoddau hynny. Rhagor o wybodaeth am ein cyfraniad at StarTree. 

Os hoffech gael rhagor o wybodaeth, CYSYLLTWCH Â NI